Workshop við Henriette Mikkelsen

Hondbóltur er ein fjøltáttað ítróttargrein, sum krevur serligar førleikar til ymsu plássini á vøllinum. Fyri at kasta ljós á og menna hesar førleikar, fer HSF at skipa fyri einum skeiði fyri vengur saman við fyrrverandi danska landsliðsleikaranum og OL-vinnaranum Henriette Mikkelsen og Mads Møller, venjara.

Henriette Mikkelsen spældi 81 dystir á danska landsliðnum í árunum 2002-2008 og skeyt 346 mál. Henriette vann OL-gull og EM-silvur í 2004.

Skeiðið er fyri fyri vengur á A-landsliðnum og ungdómslandsliðunum á kvinnusíðuni. Á skeiðinum verða fyrilestrar,venjing og samrøður um hvussu og hvat skal til fyri at gerast ein góður vongur. Hóast skeiðið og venjingarnar bert eru fyri A- og U-landsliðsleikarar, kunnu allir venjarar, leikarar og áhugaði annars luttaka sum eygleiðarar bæði til fyrilestarar og venjingar.

Skeiðið verður í Hoyvíkshøllini 16. og 17. oktober. Yvirskipaða skráin sæst her:

Fríggjadagur 16. oktober:
17.00 Upplegg við Henriette Mikkelsen
(Lívsleiðin, hvat skal til, á hvønn hátt er tað serstakt at vera vongur, o.a.)
18:00 Steðgur
19:00 Venjing 1
20:30 Samanumtøka við venjarum
21:00 Liðugt

Leygardagur 17. oktober:
09:00 Upplegg við Mads Møller (venjari)
(Hvussu mennir man vengur, teknisk krøv o.s.fr.)
09:45 Venjing 2
11:00 Samanumtøka við leikarum

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni