EM-undandysturin hjá monnum verður í Føroyum

EHF hevur í morgun boðað Hondbóltssambandinum frá, at orsakað av korona-støðuni í Danmark, og teimum krøvunum, sum EHF setur til fyriskipanina av dystum í løtuni, kann EM-undandysturin millum Føroyar og Kekkia, sum upprunaliga skulda spælast í Aarhus, mikudagin, 4. november, spælast í Føroyum.

Eftirsum at tað ikki eru umstøður í Føroyum til at hýsa A-landsdystum hjá monnum í EM-undankappingini var annars ætlanin, at dysturin skuldi spælast í Aarhus sama dag, sum dysturin millum Danmark – Sveis. Men eftir at korona-tølini í Danmark hava gingið skeiva vegin, og EHF hevur hert krøvini til smittufyribyrging í sambandi við tílíkar dystir, hava HSF, DHF, og EHF umrøtt støðuna saman. Niðurstøðan var, at EHF undir hesum heilt serligu umstøðunum er sinnað at síggja burtur frá hallarkrøvunum og lata Føroyum eitt undantaksloyvi at hýsa dystinum heima í Føroyum.

EM-undandysturin verður sostatt leygardagin 7. november kl. 18.30 í Høllini á Hálsi.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni