Stuttfilmur 4 – Felagsskapurin

Fjórði stuttfilmurin í røðini “HSF 40 ár” lýsir HSF sum felagsskap.

Skal føroyskur hondbóltur mennast á miðvísan hátt, er neyðugt, at tann ítróttarligi, umsitingarligi og fíggjarligi parturin virka væl saman. Í umsitingini hjá hondbóltssambandinum eru í dag trý fulltíðarstørv – ein aðalskrivari, ein ítróttarstjóri og ein samskipari.

Ovasti myndugleiki er árligi aðalfundurin, sum limafeløgini møta á. Aðalfundurin velur starvsnevndina, sum stingur málini fyri framtíðina út í kortið. Tríggjar ferðir um árið eru limafeløgini eisini á limafundum. Á hesum fundunum umrøða tey eitt nú kappingarleist og reglugerðir.

Komið er ikki á mál í sambandi við karmarnar. Altjóða góðkend høll vantar í Føroyum, og hondbóltssambandið virkar fyri, at hon verður veruleiki so skjótt sum gjørligt.

Í sambandi við 40-ára føðingardagin hjá HSF í ár, hevur HSF latið framleiða 5 styttri filmar, sum lýsa søguna, núverandi virksemi og framtíðarætlanir hjá HSF. Filmarnir verða lagdir út komandi dagarnar og kunnu eisini síggjast á youtube síðuni hjá HSF, sum eitur “Handball Faroe Islands”.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni