Stuttfilmur 5 – Søgan

Fimti stuttfilmurin í røðini “HSF 40” ár lýsir føroysku hondbóltssøguna.

Hondbóltur hevur verið spældur í Føroyum síðan síðst í 1920’unum, og í 1931 varð fyrsta hondbóltsfelagið, Neistin, stovnað. Serliga kvinnur spældu hondbólt fyrstu árini, og spælt varð uttandura. Hetta broyttist so líðandi, tá fyrstu hallirnar komu fyri 50 árum síðan.

Hondbóltur var tann fyrsta føroyska ítróttagreinin, sum varð altjóða viðurkend. Tað hendi í 1970, tá Føroyar fingu royndarlimaskap í altjóða hondbóltssamgonguni, IHF. Við royndarlimaskapinum fingu føroyingar m.a. møguleika at spæla Evropa Cup-dystir, og fyrstu Evropa Cup-dystirnir vóru í høllini á Hálsi í 1972. Tann endaliga limaskapin í IHF fingu Føroyar í 1974, og føroyska manslandsliðið var á fyrsta sinni við í CHM-kapping í Portugal tvey ár seinni. Spenningurin í Føroyum var stórur, meðan kappingin var. Í februar 1980 var CHM-kappingin í Føroyum. Lond sum Noreg, Frakland, Italia, Eysturríki – og sjálvandi Føroyar – vóru við. Stutt eftir CHM-kappingina varð Hondbóltssamband Føroya stovnað. Hetta hendi 19. apríl í 1980.
Rættilig ferð kom á hallarbyggingarnar kring landið í áttatiárunum, og nú eru 20 hondbóltsvøllir í Føroyum. Í Hondbóltssambandi Føroya eru 13 limafeløg, og í feløgunum eru 2.600 limir.
Í sambandi við 40-ára føðingardagin hjá HSF í ár, hevur HSF latið framleiða 5 styttri filmar, sum lýsa søguna, núverandi virksemi og framtíðarætlanir hjá HSF. Filmarnir kunnu eisini síggjast á youtube síðuni hjá HSF, sum eitur “Handball Faroe Islands”.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni