HM-undankapping møguliga í Føroyum

Føroyar komu í bólk saman við Lettlandi, Italia og Luksemborg.

Fyri løtu síðani var lutakastið til HM-undankappingina til HM 2023, sum verður leikt í Svøríki og Póllandi. Føroyar endaðu í bólki 4 og skulu spæla móti Lettlandi, Italia og Luksemborg. Føroyar vann fyrsta rætt at hýsa um bólkurin verður leiktur sum ein kapping yvir eitt vikuskiftið. Útgangsstøðið er, at dystirnir verða leiktir sum úti- og heimadystir, men semjast londini um at avgreiða kappingina yvir eitt vikuskifti, er hetta møguligt. Møguleiki er at avgreiða dystirnar í november 2021 og januar 2022.

Nummar eitt og tvey í bólkinum koma víðari til play-off dystir móti liðunum, sum eru hægri styrkismett. Føroyar vóru eisini í bólki saman við Luksemborg til seinastu HM-undankappingina, og tá vunnu Føroyar 24-22. Føroyar spældu eisini móti Italia í HM-undankappin í 2018, og tá var stórtap 29-18. Litava luttók fyri fyrstu ferð í EM-endaspælið í 2020, har teir tó ikki vunnu nakran dyst og endaðu aftast. Liðið telur millum annað kenda risan Dainis Kristopans, sum við sínum 215 cm og 135 kg dagliga spælir í Paris Saint-Germain.

Lutakastið sær soleiðis út:
Bólkur 1: Belgia, Turkaland, Grikkaland, Kosovo
Bólkur 2: Finnland, Estland, Georgia, Stóra Bretland
Bólkur 3: Rumenia, Ísrael, Kýpros, Moldova
Bólkur 4: Lettland, Italia, Luksemborg, Føroyar

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni