Tveir gevandi landsdystir móti Íslandi

Føroysku U16- og U18kvinnurnar leiktu tveir spennandi og gevandi landsdystir móti Íslandi í dag. Ísland vann báðar dystirnar við tveimum málum.

Føroysku U16-kvinnurnar taptu tepurt 25-23 fyri Íslandi, eftir at Ísland var á odda 17-13 í hálvleikinum.
Eitt góðkent avrik av okkara gentum, sum leiktu teirra fyrsta landsdyst.
Málskjúttar hjá Føroyum:
Silja Geirsdóttir Eystberg 7
Joan Johannesen 4
Rakul Borgarlíð Joensen 3
Sára Hórðará 2
Karinbeth Kjærbæk 2
Ró Reginsdóttir 2
Elin Maria Rapa 2
Marta Højgaard 1
U18-kvinnurnar taptu eisini við tveimum málum. Úrslitið var 31-29 til Íslands, eftir hálvleiksstøðuna 17-17.

Liðini fylgdust í fyrru helvt av fyrra hálvleiki, har leikferðin var høg og var serliga Maria Pálsdóttir Nólsoy eyðsýnd í føroyska álopinum. Um miðjan fyrra hálvleik brendu okkara heldur illa og gjørdu nakrar tekniskar villu og kom Ísland fram um 8-5. Okkara komu tó væl aftur og fóru til hálvleiks við støðuni 17-17.

Føroyska liðið hevði sína bestu løtu í byrjanini av seinna hálvleiki. Silja Arngrímsdóttir Müller stongdi føroyska málið fyrstu 10 minuttirnar og var Lukka Arge eyðsýnd í álopinum við fleiri góðum langskotum. Føroyar komu fram um 21-17 áðrenn Ísland náddi at svara aftur. Fleiri feilir um miðjan hálvleik loyvdi tó íslendingum innaftur í dystin og vóru tað tær sum vóru omaná seinastu 10 minuttirnar av dystinum við einum ella tveimum málum.

Liðini hittast aftur í morgin kl. 15.00 og 17.30.

Málskjúttar hjá Føroyum:
Lukka Arge 10 (7)
Karin Egholm 5
Sára Sigrunardóttir Mikkelsen 4
Lea Mohr 3
Maria Pálsdóttir 3
Barbara Hammer 3
Inga Maria Joensen 1

Málverji:
Silja Arngrímssdóttir Müller 8 bjargingar

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni