Komandi leygardag og sunnudag kl. 15.00 verða dystir millum U18-manslandsliðini hjá Føroyum og Íslandi. Báðir dystirnir verða í Hoyvíkshøllini.
Fyri bæði londini er talan um fyrireikingardystir til komandi U18 EM-endaspælið, sum verður í Montenegro dagarnar 4. – 14. august, har Føroyar í fyrstu atløgu møta Svøríki, Spania og Fraklandi í bólkaspælinum.
Tað er gratis at vitja Hoyvíkshøllina til dystirnar í vikuskiftinum, og kunnu teir eisini stroymast á live.hsf.fo.
Hondbóltssambandið hevur sett Gabriel Apetrei í starv sum dómaramennara í HSF, og kemur hann at hava dagligu, yvirskipaðu ábyrgdina av dómaraøkinum í Føroyum saman við Dómaranevndini hjá HSF.
Leygardagin skipaði HSF fyri forkunnugari venjararáðstevnan við navnframa hondbólsvenjaranum Jordi Ribera, sum gestaundirvísara. Ráðstevnan var fyri venjarar í føroysku feløgunum.
Í heyst skipar HSF aftur fyri stig 1 í venjaraútbúgvingini. Byrjað verður við stig 1.1 tann 7. oktober 2026, meðan stig 1.2 byrjar í januar. Skeiðið er skipað við online tilfari og trimum samlingum.
Ein loysn frá Sendistovuni
