Komandi leygardag og sunnudag kl. 15.00 verða dystir millum U18-manslandsliðini hjá Føroyum og Íslandi. Báðir dystirnir verða í Hoyvíkshøllini.
Fyri bæði londini er talan um fyrireikingardystir til komandi U18 EM-endaspælið, sum verður í Montenegro dagarnar 4. – 14. august, har Føroyar í fyrstu atløgu møta Svøríki, Spania og Fraklandi í bólkaspælinum.
Tað er gratis at vitja Hoyvíkshøllina til dystirnar í vikuskiftinum, og kunnu teir eisini stroymast á live.hsf.fo.
Sunnudagin, 16. august 2026, er seinasti møguleiki at ogna sær føroysku atgongumerkini til HM-endaspælið í Týsklandi. Eftir freistina verða atgongumerkini leysgivin í almennari sølu, har øll kunna ogna sær atgongumerki.
Póllendingar vardu betri í seinna hálvleiki, vórru kaldari og mongu føroysku villurnar kostaðu løtuna tá dysturin skuldi avgerðast. Pólland vann 41-35, eftir at Føroyar vóru frammanfyri 19-18 í hálvleikinum. Føroyar blivu við hesum nr. 16 av teimum 24 liðunum í EM-endaspælinum.
Hóast Føroyar spældu ein góðan dyst móti Svøríki í dag, so rakk tað ikki heilt og vunnu sviar tepurt 35-34 eftir at teir vóru á odda 17-16 í hálvleikinum.
Ein loysn frá Sendistovuni
