Tvær verkstovur á skrá

Millum jól og nýggjár hevur HSF tvær áhugaverdar verkstovur á skrá fyri ávikavist vengur og lámar bakkar.

Endamálið við verkstovunum er at menna og kasta ljós á týdningin av hesum ávísu plássunum á vøllinum í hondbóltsspælinum.

Týdningurin og krøvini til vengur er vaksin, so hvørt sum spælið er vorðið alsamt skjótari. Hetta gevur fleiri skot til vengurnar og størri ymiskleika í skotstøðunum. Samstundis eru krøvini til vengur í verjustøðu vaksin, bæði á vonginum, men eisini á einum 1´ara frammarlaga ella einum 2´ara.

Lámar eru ein mangulvøra í føroyskum hondbólti, og tað er nakað sum sjóneyka skal setast á, tá fleiri av okkara landsliðum spæla uttan lámar bakkar. Hetta avmarkar spælið taktiskt. HSF ynskir tískil at varpa ljós á hetta og fer komandi tíðina, saman við feløgunum, at leggja meira fyri at lofta og menna lámu leikararnar betri.

Til hesar báðar verkstovur koma leikarar frá A-landsliðunum at hjálpa til. Kjartan Johansen, Vilhelm Poulsen, Turið Arge Samuelsen, Leivur Mortensen og Hákun West av Teigum koma at leggja lag á við teirra royndum frá hondbólti á hægsta stigi. Verkstovurnar vera fyri landsliðsleikarar á ella kring ungdómslandsliðini, ávikavist 28. og 30 desember.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni