Við orku framá

Effo heldur fram sum stórstuðul hjá HSF. Effo og HSF hava skrivað undir sáttmála og longt verandi samstarv fram til 2026.

Gunn Ellefsen, forkvinna í HSF, og Gunnar Nielsen, stjóri í Effo, hittust herfyri á høvuðsætinum hjá Effo á Óðinshædd at skriva undir nýggja sáttmálan. Føroyska orkufelagið hevur verið stuðul hjá HSF síðani 2021.

– At sýna samfelagstilvit kennir Effo sum sína ábyrgd, greiðir Gunnar Nielsen frá. – Vit vita, at Hondbóltsambandið ger eitt megnar arbeiði fyri okkara smæstu, ungu og vaksnu – fyri kvinnur og menn. Tað arbeiðið, eru vit í Effo errin av at stuðla. Føroyingar eiga Effo og høvuðsendamál okkara er at veita orku til alt samfelagið. At standa saman um hondbóltin, og at savna tjóðina um ítróttarbrøgd er nakað vit fegin vilja vera við til og spegla okkum í, sigur stjórin Gunnar Nielsen.

– Skulu vit náa okkara málum, um at vera millum tey bestu í heiminum, so er týdningarmikið at land, vinnulív og fólk standa saman um hondbóltin. Vit eru ógvuliga fegin um, at Effo framhaldandi vil vera við á okkara ferð nú nógvar spennandi kappingar eru fyri framman, viðmerkir Gunn Ellefsen.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni