Hondbóltur og ull er føroya gull

Hondbóltssamband Føroya og tógv- og klædnaframleiðslufyritøkan Navia hava gjørt nýggja samstarvsavtalu.

Í samstarvinum liggja spennandi ætlanir, sum væntandi síggja dagsins ljós í heyst, tá føroysku landsliðini hjá monnum og kvinnum aftur skulu í eldin.

Í farnu viku vóru umboð fyri Hondbóltssamband Føroya, Gunn Ellefsen, starvsnevndarforkvinna, og landsliðsleikararnir, Peter Krogh og Karin Egholm og vitjaðu á høvuðsætinum hjá Navia á Toftum, har samstarvsavtalan eisini varð undirskrivað saman við Óla Kristiani á Torkilheyggi, stjóra og eigara.

Gunn Ellefsen viðmerkir til sáttmálan, «at ynski hevur verið at styrkja um samleikan, tá okkara landslið og fjepparar eru saman, bæði heima og úti í verð, og her var Navia ein upplagdur møguleiki.» Óla Kristian viðmerkir, «at í Navia hava vit góðar møguleikar og førleikar, at lofta einum tílíkum ynski, og at tað er spennandi at vera við í nøkrum, sum allir føroyingar soleiðis standa saman um.»

Meira um samstarvið verður kunngjørt í næstum.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni