Komandi leygardag, tann 13. september, byrjar Burn-kappingin í hondbólti. Sáttmálin um navnið á mansdeildini er nú eisini longdur fyri tvey tey komandi kappingarárini.
Umboð fyri HSF, Gunn Ellefsen, starvsnevndarforkvinna, og fyri Burn, Jákup Súni Berg, stjóri, hittust í farnu viku í stásiligu hølunum hjá Burn Klakssik í Berjabrekku og skrivaðu undir nýggja sáttmálan.
– Jákup Suni Berg viðmerkir til samstarvið, at tað er hugaligt at vera viðspælari í einari ítróttargrein, har tað kropsliga hevur stóran týdning. Leikararnir í Burn deildini sýnast alsamt at blíva sterkari og kvikari fyri hvørt kappingarár. Hetta sæst eisini aftur, har føroysku leikarar blíva alsamt meira kappingarførðir á altjóða pallinum.”
Gunn Ellefsen sigur um samstarvið, «at Burn er eftirhondini vorðin sterkasta ímyndin av kropsligari venjing í Føroyum. Kropsliga venjingin at nakað vit hava lagt stóran dent á at lyfta í hondbóltinum tey seinastu árini, og hevur Burn verið ein góður viðspælari á hesum økinum.”
Við sáttmálanum er Burn-samleikin sjónligur í øllum viðurskiftum hvat kappingi viðvíkur.
Hesi liðini møtast í fyrsta umfari í Burn-kappingini:
Leygardagin 13. september
Kl. 16.00 StÍF – H71
Sunnudagin 14. september
kl. 16.00 Team Klaksvík – Neistin Kl. 18.00 Kyndil – VÍF
