SMS stuðlar kvinnunum

Næsta vikuskiftið, leygardagin 13. september, byrjar SMS-kappingin í hondbólti. Sáttmálin um navnið á kvinnudeildini er nú eisini longdur fyri tvey tey komandi kappingarárini.

Umboð fyri HSF, Andrass Thomsen, stjóri, og fyri SMS, Durita Nolsøe, býlingsstjóri, hittust í farnu viku í SMS og skrivaðu undir nýggja sáttmálan.

Durita Nolsøe viðmerkir, ”at vit í SMS eru sera fegin um at leggja navn til føroysku kvinnudeildina næstu tvey kappingarárini. Kvinnuhondbólturin í Føroyum mennist støðugt, og spretta alsamt leikarar úr føroysku feløgunum, sum eisini standa seg altjóða, á landsliðnum og í útlendskum feløgum. Hetta er spennandi at fylgja.”

Andrass Thomsen gleðir seg til at SMS-kappingin byrjar. “Kvinnukappingin hevur umboðan kring alt landið og er tilgongdin av leikarum eisini vaksandi. Kynsbýtið í hondbóltinum er javnt, har talið av kvinnuligum og mannligum leikarum er á leið helvt um helvt. Hetta síggja vit stórt virði í saman við okkara stuðlum og fjepparum, sigur Andrass Thomsen.”

Við sáttmálanum er SMS-samleikin sjónligur í flest øllum viðurskiftum hvat kappingi viðvíkur, og hartil stendur SMS eisini á vinstru ermu á landliðsblusuni.

Hesi liðini møtast í fyrsta umfari í SMS-kappingini leygardagin 13. september:
Kl. 14.00 StÍF – H71
kl. 15.00 EB – VB
Kl. 18.00 Stjørnan – Neistin
Kl. 18.00 Kyndil – VÍF

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni