U15-menn: Ísland munin

Hóast Føroyar vóru omaná størsta partin av fyrra hálvleiki, so vóru tað íslendingar, sum eisini vunnu seinna vinardystin landanna millum á Eiði í dag. Úrslitið gjørdist 31-24, eftir at hálvleikstøðan var 15-12 til íslendingar.

Føroyar vóru omaná fyrstu 25 minuttirnar, men høvdu eina misjavna løtu seinastu 5 minuttirnar fyri hálvleik, og vóra tað tískil íslendingar, sum vóru frammanfyri 15-12 við steðgin. Dysturin var ferðmikil og var tað aftur Baldur Bartalsson, sum var serliga eyðsýndur í føroyska álopinum. Eins og í gjár gjørdi hann 6 mál í dystinum. Eisini høvdu føroysku málverjarnir fleiri bjargingar í mun til í gjár, har tað serliga var Finnur Eiri Clementsen, sum var eyðsýndur í fyrra hálvleiki. Ísland var drúgvari í seinna hálvleiki, har okkara høvdu heldur nógvar villir og brendar møguleikar í løtum. Munurin vaks nakað, áðrenn hann síðani minkaði aftur móti dystarlokið til 31-24.

Málskjúttar hjá Føroyum:
Baldur Bartalsson 6
Rókur Reginsson 4
Róin Tjørná 3
Dánjal Peturson Djurhuus 2
Baldur Paulason 2
Heðin Mukwata Niclasen 2
Kevin Bech Fries 1
Jacob Slættalíð 1
Palli Petersen 1
Teitur Rógvason 1
Nikolas Nónklett 1

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni