U16-menn: Ísland eisini munin í seinna dystinum

Seinni vinardysturin millum U16-dreingirnar hjá Føroyum og Íslandi líktist hinum fyrra. Liðini fylgdust fyrstu løtuna, men var Ísland stabilari yvir 60 minuttir. Ísland vann 31-26, eftir at teir vóru frammanfyri 17-13 í hálvleikinum.

Høllin á Eiði var stúgvandi full til ungdómshondbólt av hæstu rók í dag. Nógv ferð var á spælinum og verjunarnar góvu seg fult út. Liðini fylgdust fyrstu 20 minuttirnar, men vóru tað íslendingar, sum høvdu stabilari spæl og drógu frá fram til hálvleiks, tá tað stóð 17-13. Í føroyska álopinum vóru tað aftur Jónas Fossabrúgv og Filip Wardum Ragnarsson, sum vóru mest eyðsýndir, har hin fyrrnevndi eisini var toppskjútti við 11 málum. Okkara minkaðu um munin í løtum í seinna hálvleiki, og vóru bert trý mál á muni tá 8 minuttir restaðu av dystinum. Ísland økti tó aftur seinastu løtuna til endaliga úrslitið 31-25.

Málskjúttar hjá Føroyum:
Jónas Fossabrúgv 11
Filip Wardum Ragnarsson 4
Christian Dal Christiansen 3
Aron Magnussen 3
Danjal Maslyk 1
Marius Behrens 1
Johan Waagstein 1
Niclas Eirikstoft 1
Carl Christian Codron 1

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni