U18-menn: Tepurt tap fyri Spania

Hóast Føroyar sýndu gott álopspæl, so stríddust okkara í verjuni í stórum parti av dystinum móti Spania, sum vann 37-32, eftir at spaniólar vóru frammanfyri 16-15 í hálvleikinum.

Fyrri hálvleikur var javnur og føroyska liðið spældi seg fyri tað mesta til góðar málmøguleikar og kundu saktans verið frammanfyri við steðgin. Heldur nógvir brendir kjansir og tekniskar villur gjørdi tó, at tað vóru Spania, sum fyri tað mesta høvdu eina lítla leiðslu. Føroyska verjan stóð hampuliga væl, men høvdu okkara eisini avbjóðingar við gløgga spanska strikuspælinum. Føroyar hingu tó í og fóru liðini til hálvleiks við 16-15 til spaniólar.

Okkara stríddust stóran part av seinna hálvleiki í verjuni og hóast Micah Wardum Ragnarsson stóð sera væl í føroyska málinum, so er tað sigandi, at tað okkara fingu 37 mál ímóti. Liðini fylgdust tó til miðjan seinna hálvleik, har okkara tíverri ikki tóku røttu avgerðirnar í yvirtalsspælið og fingu trý skjót mál ímóti. Munurin vaks upp í 5 mál og var tað eisini munurin við leiklok, 37-32.

Eftir dystin var føroyski málverjin, Micah Wardum Ragnarsson, kosin besti føroyski leikarin í dystinum. Eisini eyðsýndir vóru Boas Ellefsen á Skipagøtu, sum var føroyskur toppskjútti við 14 málum, og Hugin Halgirson, sum eisini spældi ein góðan dyst á strikuni við 5 málum. Næsti dystur hjá Føroyum verður leygardagin kl. 18.30 móti Eysturríki. Portal.fo vísir dystin.

Dystargongdin Spania – Føroyar:
5 min. 3-4
10 min. 5-6
15 min. 8-7
20 min. 10-9
25 min. 14-13
30 min. 16-15
35 min. 20-18
40 min. 23-21
45 min. 25-23
50 min. 30-25
55 min. 32-29
60 min. 37-32

Føroyskir málskjúttar:
Boas Ellefsen á Skipagøtu 14 (5)
Hugin Halgirson 5
Jónas Fossabrúgv 4
Teitur Poulsen Hellisdal 3
Brandur Debes Dánialsson 2
Gabriel Skeel Árnason 2
Axel Holm Simonsen 1
Teitur Bogason 1

Málverjar:
Micah Wardum Ragnarsson, 59 min, 13 bjargingar
Jákup Arngrímsson Müller, 1 min, 1 bjarging

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni