Framúr dystur av Føroyum

Føroyar taptu tepurt fyri Ukraina. Úrslitið var 26-27.

Samett við fyrra dystin millum londini, sum var í Kiev mikudagin, sást frá dystarbyrjarn, at føroysku leikararnir ætlaðu sær uppreisn. Serliga í verjuspælinum var stórur munur.

Tað gekk javnt á allan fyrra hálvleik og einu løtuna vóru Føroyar á odda við tveimum málum, men beint fyri hálvleik vunnu ukrainar seg framumaftur til hálvleiksstøðuna 14-15.

Sum seinni hálvleikur leið, gjørdist larmurin í Royal Arena alsamt størri. Áskoðarnir tyktust at trúgva meira uppá sensatiónina, men tíverri kostaði útvísing og ivasamar dømingar nakað síðstu løtuna og Føroyar taptu við einum máli.

Dysturin var uttan iva best leikti dystur av manslandsliðnum nakrantíð. Samanumtikið eitt megnar avrik av føroysku stríðsmonnunum.

Málskjúttar
Kjartan Johansen 7 (2)
Peter Krogh 3
Helgi Hildarson Hoydal 3
Rói Berg Hansen 3
Rókur Akralíð 2
Jónas G. Djurhuus 2
Hans Eli Sigurbjørnsson 2
Niklas Selvig 2
Áki Egilsnes 1

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni