U-landsliðini venja dúgliga

Øll ungdómslandsliðini í hondbólti eru altíð serliga virkin í summarmánaðunum og hetta summarið er einki undantak, tí stórar kappingar liggja fyri framman.

Síðsta vikuskiftið vóru øll fimm ungdómslandsliðini hjá Hondbóltssambandinum í gongd, og at kalla øll vikuskiftir eru bókaði við venjingum fram til tey av álvara skulu royna seg.

U17-landsliðið við monnum skal til EM-kapping í Svøríki í døgunum 1. til 5. juli. Hetta er fyrstu ferð, at hesin aldursbólkur skal vera við í altjóða kapping.

Um miðjan juni, frá 15. til 21. juli, skal U19-landsliðið við kvinnum taka lut í HM-kapping í Litava. Fleiri av leikarunum eru lyklaleikarar í bestu kvinnudeildini í Føroyum, umframt at nakrir spæla uttanlands.

Í august skal U17-landsliðið við kvinnum spæla HM-kapping í Georgia. Leikararnir royndu seg á fyrsta sinni í altjóða kapping í fjørsummar.

Einasti aldursbólkur, sum onga kapping hevur í summar, eru leikararnir, sum eru føddir í ár 2000. Teir skulu í næsta ár taka lut í HM-kapping fyri U20-landslið.

 


U19


U17

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni