Avmarkað áskoðaratal til landsdystin

Komandi sunnudag, kl. 18.00, spæla Føroyar og Ukraina í Høllini á Hálsi. Eitt avmarkað tal av áskoðarum sleppa í høllina at síggja dystin.

Eingin almenn atgongumerkjasøla verður tó til dystin, men hava hondbóltsfeløgini fingið eitt avmarkað tal av atgongumerkjum at umsita. Ætlandi verður høllin deild í tríggjar partar, har 200 áskoðarar sleppa í hvønn part av høllini.