Besta mansdeildin eitur nú Burn deildin

Hondbóltssambandið og SMS-samtakið hava longt samstarvið um bestu mans- og kvinnudeildina fyri kappingarárið 2020–21. Eisini er greitt, at besta mansdeildin skiftir navn og eitur nú Burn deildin. Burn er størsti veitari av venjing í Føroyum og hevur fleiri venjingarmiðstøðir kring landið.

Í vikuni var myndatøka, har øll liðini í SMS- og Burn deildini vóru umboðaði. Samstundis vóru Gunn Ellefsen, forkvinna í HSF, Durita Nolsøe, býlingsstjóri í SMS, og Jákup Suni Berg, stjóri í Burn til staðar og undirskrivaðu sáttmálan.

– Gunn Ellefsen sigur um longda sáttmálan, at saman við einum góðum stuðli sum SMS-samtakinum kunnu vit menna heimligu kappingarnar enn meira. Fleiri spennandi átøk við nýggjum miðlum eru ávegis, sum fólk vónandi fara at taka væl ímóti.

–  Durita Nolsøe fegnast um stóra áhugan og umrøðuna hondbóltskappingarnar hava havt seinastu árini. Tað er eyðsýnt, at feløgini leggja sera nógv fyri og gevur hetta okkum harvið eina áhugaverda vøru at leggja navn til, sigur Durita Nolsøe.

– Jákup Suni Berg viðmerkir til samstarvið, at tað er spennadi at leggja navn til mansdeildina og hondbólt sum heild, sum er ein ítróttur, har kropsliga styrkin og venjingin er í hásæti.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni