Hondbóltsfelagið hjá Eiðis Bóltfelag, EB, hevur sett sær greið mál. Felagið skal verða umboðað í bestu deildini um nøkur ár.
Stór framgongd er farin fram í EB. Bæði limatal og tal av liðum er hækkað meira enn hundra prosent upp á tíggju ár. Í dag eru 11 lið í EB, umframt U6 og U8, samanborið við fimm lið í 2008.
Lea Lisberg og Sára Jacobsen, sum ganga í 9. flokki í Skúlanum við Streymin, og sum báðar spæla við G16 hjá EB, hava seinastu tvær vikurnar verið í starvsvenjing í HSF. Tær hava millum annað gjørt samrøðu við forkvinnuna í EB, venjara og við leikarar um framgongdina og framtíðarmálini hjá EB.
Hygg eftir innslagnum her ella omanfyri.
