Finnur Hansson er settur sum hjálparvenjari hjá A-landsliðnum hjá kvinnunum. Hann avloysir Julian Johansen, sum hevur virkað sum fyribils hjálparvenjari.
Finnur skal røkja starvið saman við høvuðsvenjaranum, Dragan Brljevic. Finnur er kent andlit í føroyskum hondbólti. Finnur er 41 ára gamal og íslendingur, men hevur búð í Føroyum í meira enn 20 ár og hevur myndað føroyskan hondbólt, bæði sum leikari í fremstu deildini, á føroyska manslandsliðnum og seinnu árini eisini sum venjari.
A-landsliðið hjá kvinnum skulu spæla EM-undanundankapping á heimavølli móti Finnlandi tann 4. juni og móti Ísrael tann 6. juni.
