Forkunnug vitjan av DHF

Hondbóltssambandið fær áhugaverda vitjan í vikuni, tá ítróttastjórin í danska hondbóltssambandinum, Morten Hendriksen, og aðalskrivari, Morten Stig Christensen, verða í Føroyum.

Teir báðir eru kendir í hondbóltsheiminum, og hava átt virknan leiklut í stóru framgongdini, sum hevur verið í donskum hondbólti.

Vit hava sett eina spennandi skrá saman, við onkrum fyri øll. Týsdagin 14. november fara teir báðir at hyggja at dystinum í FTZ-deildini, í høllini á Hálsi, millum Kyndil og H71.

Eftir dystin bjóða vit landsliðsvenjarum. venjarum í FTZ- og hvonn-deildini, høvuðsungdómsvenjarum og øðrum, í kantinuna í høllini, har Morten Henriksen fer at hava eina eftirmeting av tí, ið hann hevur sæð, og tað verður høvið at hitta teir.

Mikudagin 15. november fer Morten Henriksen, sum hevur áralangar royndir sum venjari, at hava venjing við okkara U15-dreingjum frá leikaramenningini, frá kl. 15.00 til 16.30, í Hoyvíkshøllini.

Hósdagin 16. november eru tvær spennandi framløgur í høvuðssætinum hjá BankNordik.

Kl 17.00 fer Morten Henriksen at hava fyrilestur fyri landsliðsvenjarum, venjarum í leikaramenningni, FTZ- og hvonn-venjarum, høvuðsungdómsvenjarum o.ø. um talent- og landsliðsarbeiðið hjá DHF.

Kl. 18.30 er fyrilestur fyri øllum áhugaðum, tá Morten Stig Christensen fer at greiða frá um DHF, danskan breiddar- og elituhondbólt, virðini o.m.a. Til ber at tekna seg til fyrilesturin her: www.banknordik.fo/HSF

Øll eru vælkomin.

 

Gleða okkum at síggja tykkum!

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni