Føroyar, Ísrael og Finnland

Føroyska kvinnulandsliðið kom í bólk saman við Ísrael og Finnlandi til EM-undan-undan-kappingina. Føroyar vann eisini fyrsta rætt at hýsa kappingini.

Kappingin verður leikt vikuskiftið 4. – 6. juni og kemur vinnarin úr hvørjum bólki víðari til EM-undankappingina, har liðini sum eru hægri styrkismett bíða.

Bólkabýtið sær soleiðis út:
Bólkur A: Portugal, Kosovo, Luksemborg, Kýpros
Bólkur B: Grikkaland, Italia, Bosnia Hersegovina, Lettland
Bólkur  C: Føroyar, Ísrael, Finnland

Hetta er ikki fyrstu ferð, Føroyar møta hesum báðum londunum, tí tá ið føroyska kvinnulandsliðið í 2004 var til sína fyrstu Women’s Challenge Trophy-kapping í italska býnum, Mezzocorona, taldust bæði Ísrael og Finnland millum mótstøðuliðini. Í bólkaspælinum vunnu Føroyar 24-23 á Ísrael, eftir at Ísrael hevði verið á odda við fimm málum í hálvleikinum, og í hálvfinalunu vunnu Føroyar 31-30 á Finnlandi, tá ið tað stóð á jøvnum 25-25 eftir 60 minuttir og tað síðani gjørdist neyðugt við umdysti tvær ferðir, áðrenn sigurin var komin til høldar.

Í Challenge Trophy í 2008 taptu Føroyar greitt, 17-25, fyri Finnlandi

Í Challenge Trophy í 2010 taptu Føroyar eisini stórt 16-27 fyri Finnlandi, meðan okkara vunnu 32-23 móti Ísrael í Challenge Trophy í 2012

Í 2017 vunnu Føroyar 20-17 móti Finnlandi í EM-undankapping, meðan okkara taptu 22-19 til Finnland HM-undankappingina í 2018.

European Cup hondbóltur í Vestmanna

29. november 2023

Komandi vikuskiftið verða tveir spennandi European Cup dystir í Vestmanna, tá mansliðið hjá VÍF fær vitjan av SSV Brixen úr Italia.

Byggja víðari saman við Búsetri

27. november 2023

Hondbóltssambandið og byggivirkið Búsetur hava longt sponsorsamstarvið, har fyritøkan verður verandi ein av sjónligu stuðlunum hjá HSF fram til 2026.

U20-kvinnur: Tepurt tap fyri vertunum

25. november 2023

Talan gjørdist eisini um tap í fjórða og seinasta HM-undankappingardystinum hjá føroysku U20-kvinnunum. Føroyar taptu 30-28 fyri vertunum úr Serbia, eftir at hálvleiksstøðan var 17-13 til Serbia.