H71-kvinnur eru víðari í European Cup, meðan mennirnir skulu spæla seinna dystin í Drammen sunnudagin.
Høllin á Hálsi var í vikuskiftinum karmur um European Cup dystir hjá H71-kvinnum og monnum. Hjá kvinnunum blivu báðir dystirnir leiktir í Føroyum og vann H71 sannførandi, 43-26 í fyrra dystinum, og 35-27 í seinna dystinum móti makedonsku WHC Cair-Skopje. H71 er sostatt komið víðari til triðja umfar í kappingini, sum verður leikt í november. Lutakastið verður mánadagin 25. oktober.
Menninir hjá H71 fingu eisini eitt gott úrslit, hóast talan var um tap. H71 tapti 24-22 fyri norska toppliðnum Drammen HK og verður returdysturin sunnudagin 24. oktober í Drammen.
