Í sambandi við fyrireikingarnar hjá ávikavist kvinnulandsliðnum til HM-endaspælið og manslandsliðnum til EM-endaspælið vera hesir vinardystir í Føroyum.
Leygardagin tann 22. november kl. 19.00 spæla kvinnurnar hjá Føroyum og Íslandi vinardyst Við Tjarnir, hetta áðrenn liðini mándagin eftir ferðast beinleiðis úr Føroyum, umvegis Luksemborg, til ávikavist Trier og Stuttgart í Týsklandi. Atgongumerkini til hendan dystin Við Tjarnir koma til sølu fríggjadagin 31. oktober kl. 10.00.
Manslandsliðið fyrireikar seg til EM-endaspælið við tveimum vinardystum móti Italia. Dystirnir vera fríggjdagin 9. og sunnudagin 11. januar Við Tjarnir, báðar dagarnar kl. 19.00. Atgongumerkini til hesar dystirnar koma til sølu mánadagin 24. november kl. 10.00.
