HSF takkar stuðlunum

Í summar hevur verið nógv virksemi fyri U-landsliðini hjá HSF.

Í juli spældu U19 kvinnur EM kapping í Norðurmakedonia. Føroyar komu ósigraðar í hálvfinaluna, men gjørdust at enda nummar fýra av níggju luttakarum. Í bólkaspælinum vunnu Føroyar greitt á Niðurlondum, sum seinni vunnu kappingina. Rakul Wardum varð kosin besti málverji í kappingini.

Nú í august spældu U17 kvinnurnar EM kapping í Georgia. Eisini tær komu ósigraðar í hálvfinaluna. Føroyar taptu í sera jøvnum dysti móti Niðurlondum, sum vunnu kappingina. Men síðani vunnu Føroyar dystin um bronsuna greitt móti Ukraina og blivu harvið nummar trý av níggju luttakarum. Maria Pálsdóttir Nólsoy varð kosin besti spælskipari í kappingini, og Karin Egholm besti høgri vongur. Somuleiðis gjørdist Lukka Arge toppskjútti í kappingini.

Í báðum førum var sera nær við, at Føroyar vunnu sær pláss í bæði HM og EM endaspølum fyri hesar aldursbólkar. Úrslitini vísa greitt, at menning er bæði á mans- og kvinnusíðuni í føroyskum hondbólti, og menningin heldur fram, hóast serligu ferðaavbjóðingarnar seinastu tvey árini.

Í hesum døgum spæla U19 menninir somuleiðis EM kapping í Bulgaria. Føroyar eru komnar í hálvfinaluna, sum verður í morgin leygardagin 21. august móti Slovakia. Spennandi verður at síggja, um tað eyðnast Føroyum at koma í finaluna.

Stórur partur av grundarlagnum undir góðu gongdini í føroyskum hondbólti og hjá føroysku ungdómslandsliðunum eru stuðlarnir.

HSF vil tí við hesum nýta høvið at takka øllum stuðlunum.

U18-manslandsliðið er úttikið

17. juni 2024

Venjararnir, Mark Lausen-Marcher og Kristinn Guðmundsson, hava úttikið hesar leikararnar til fyrireikingarkapping í Lübek í Týsklandi í juni og U18 EM-endaspælið í Montenegro í august.

Hesir skulu til U20 EM-endaspælið

14. juni 2024

Venjararnir, Hjalti Mohr Jacobsen og Djóni Gaard Joensen, hava úttikið hesar 16 leikararnar til U20 EM-endaspælið í Slovenia.

Høgni og Andrias nú elitudómarar

12. juni 2024

Brøðurnir Høgni og Andrias Fríðuson Gaard verða komandi kappingarár elitudómarar í Danmark. Hetta merkir, at teir koma at verða partur bólkinum av fremstu dómarum í Danmark og skulu í fyrstu atløgu døma í 1. deild.