Tvey spennandi lutakøst standa fyri framman í næstum. Hesi eru til EM-endaspølinið hjá U20- og U18-monnum, sum verða í summar.
Hjá U20-monnum verður lutakastið fríggjadagin 18. februar kl. 10.00. Endaspælið verður leikt í Porto í Portugal í tíðaskeiðnum 7. – 17. juli. Styrkismetingin sær soleiðis út:
Pottur 1: Týskland, Kroatia, Spania, Slovenia
Pottur 2: Danmark, Potugal, Svøríki, Ísland
Pottur 3: Ungarn, Frakland, Noreg, Italia
Pottur 4: Serbia, Pólland, Føroyar, Montenegro
Hjá U18-monnum verður lutakastið hósdagin 24. februar kl. 10.00. Endaspælið verður leikt í Podgorica í Montenegro í tíðarskeiðnum 4. – 14. august. Styrkismetingin hjá U18 monnum er hin sama sum hjá U20, tí tað eru eldra liðið, sum avgerð styrkismetingin hjá yngra liðnum.
