Vit síggja fram til eina stórsligna løtu sunnudagin 11. mai í fullsettari høll við Tjarnir, har føroyska landsliðið tekur móti Ukraina í seinasta heimadystinum í EM-undankappingini.
Dysturin byrjar kl. 17.00. Dyrnar lata upp kl. 14.30, har tað verður tónleikur, andlitsmáling og sjálvandi eisini møguleiki at keypa okkurt at eta og drekka.
Ferðsla og parkering
Í løtuni ber einans til at koyra til stórhøllina umvegis rundkoyringina við Eysturoyartunnilin. Roknast kann við, at nógv ferðsla verður niðan til høllina, tí er umráðandi, at áskoðarar møta í góðari tíð. Parkeringspláss eru avmarkað, og vit heita á fólk um at koyra saman ella ganga, um tað ber til. Hetta ger ferðsluna betri fyri øll.
Mat- og drykkivørur
Vit hava víðkað úrvalið. Á staðnum verður millum annað møguligt at keypa:
- Sushi
- Poke bowls
- Franskan hot dog
- Leskandi drykkir
Týdningarmikil dystur
Hetta er seinasti heimadysturin hjá Føroyum í hesi undankappingini, áðrenn endaspælið í Noregi í januar 2026 og verður hann avgerandi fyri, hvørt Føroyar enda nummar eitt ella tvey í bólkinum.
Upphiting í OY
Sunnudagin frá kl. 14:00 til 16:00 skipa stuðlarnir hjá føroyskum hondbólti fyri upphiting í OY. Swangah og Hans Ravnsfjall fara at spæla, og møguleiki verður fyri at koma í rættan hondbóltshýr.
Ókeypis bussar koyra frá OY niðan til Tjarnir kl. 16:00.
Vit gleða okkum at síggja tykkum við Tjarnir.
