Kvinnulandsliðið saman hesa vikuna

A-landsliðið hjá kvinnum er savnað til venjingar í Føroyum hesa vikuna.


Liðið fyrireikar seg til HM-undandystirnar móti Kosovo, sum verða í Kosovo, í býnum Istog, ávikavist 3. og 5. november. Vinnarin yvir hesar tveir dystirnar skal møta hægri styrkismettum liðið, har leikt verður yvir tveir dystir um eitt pláss í HM-endaspælinum. Hesir dystir verða í viku 14 og 15 komandi ár. Sum liður í fyrireikingunum verða eisini tveir venjingardystir móti íslendska kvinnulandsliðnum. Hesir verða í Føroyum leygardagin 29. og sunnudagin 30. oktober.

Føroyska liðið hevur verið saman síðani mánadagin og hava venjingar, fundir og teambuilding verið á skránni. Leygarkvøldið verður venjingardystur móti U16-landsliðnum hjá dreingjum í Hoyvíkshøllini kl. 18.30.

Sonni Larsen, høvuðsvenjari, fegnast og jaligu gongdina á føroysku kvinnusíðuni. Fleiri og fleiri leikarar leita sær avbjóðingar á hægri stigi og spæla fleiri leikarar nú regluliga í bestu og næstbestu deildunum í okkara grannalondum. Nevnast kunnu Natasja Hammer og Ingibjørg Olsen, sum spæla í bestu íslendsku deildini, og Annika Fríðheim Petersen, Súna Krossteig Hansen og Lív Sveinbjørnsdóttir Poulsen, sum spæla í bestu donsku deildini, sum er ein av sterkastu kappingunum. Hartil spæla fleiri føroyskir leikarar í næstbestu donsku deildini. Landsliðsvenjarin fegnast somuleiðis um vaksandi breiddina í føroysku kappingini og arbeiðið, sum verður gjørt úti í føroysku feløgunum. 8 lið eru nú í fremstu kvinnudeildini og merkist tað, at fleiri eru um boðið, tá tað kemur til landsliðsplássini.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni