Kyndilskvinnur tryggjaðu sær í dag SMS FM-heitið 2024 eftir triðju finaluna móti StÍF. Kyndil hevur sostatt vunnið greipuna hetta kappingarárið og hava tær bert tapt tann eina dystin, sum var hin fyrsti í kappingarárinum.
Dysturin í dag var tættur, hóast Kyndil vann við fýra til endans. Kyndil kom eisini á odda 4-0, men vann StÍF seg síðani inn í dystin. Tað vóru ongantíð meira enn tvey mál á muni eftir hetta, har liðini skiftust um at vera á odda. Kyndil vísti tó størri styrki, tá dysturin skuldi avgerðast seinastu fimm minuttirnar og vunnu tær felagnum tað áttanda føroyameistarheitið í kvinnuhondbólti.
Úrslitini í finalunum vóru hesi:
28.04.24 Kyndil – StÍF 36-18
01.05.24 StÍF – Kyndil 25-26
04.05.24 Kyndil – H71 23-19
