Landsdystir móti Íslandi

Komandi tvey vikuskiftið verða fleiri landsdystir millum ungdómslandslið hjá Føroyum og Íslandi.

Í dag eru føroysku U16- og U18- kvinnurnar farnar til Íslands, har tær koma at spæla tveir landsdystir í Kórinn í Kópavági og næsta vikuskiftið  koma íslendsku U16-menninir til Føroyar at spæla tveir dystir.

Dystarskráin sær soleiðis út
Leygardagin 4. juni kl. 15.00 U16-kvinnur Ísland – Føroyar
Leygardagin 4. juni kl. 17.30 U18-kvinnur Ísland – Føroyar
Sunnudagin 5. juni kl. 15.00 U16-kvinnur Ísland – Føroyar
Sunnudagin 5. juni kl. 17.30 U18-kvinnur Ísland – Føroyar
Leygardagin 11. juni kl. 17.00 U16-menn Føroyar – Ísland
Leygardagin 12. juni kl. 17.00 U16-menn Føroyar – Ísland

Dystyrnir í Íslandi verða stroymdir á youtube síðuni hjá íslendska hondbóltsambandinum HSÍ – YouTube, meðan dystir í Føroyum verða stroymdir á live.hsf.fo.

Dystirnir eru liðir í fyrireikingum til komandi altjóða kappingar. U16-kvinnurnar skulu spæla European Open í Gøteborg í tíðarskeiðnum 4. – 8. juli, meðan U18-kvinnur fyrireika seg til HM-endaspælið í Norðurmakedonia 30. juli til 10. august. U16-dreingir fyrireika seg til European Open í 2023. Tað er nakað serligt at umboða sítt land í landsdysti og sum liður fyrireikingunum vóru U16-liðini eisini til ein gevandi fyrilestur hjá Jens á Skipagøtu mikudagin, har tey arbeiddu við tí sálarliga í at spæla sín fyrsta landsdyst.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni