Lemjandi tap fyri Luksemborg

Hóast bjartar vónir, so gjørdist talan um eitt greitt tap fyri Luksemborg í fyrsta HM-undankappingardystinum á heimavølli í Høllini á Hálsi. Føroyar taptu 31-26, eftir 11-10 í hálvleikinum.

Mett var undan dystinum, at Føroyar hevði góðar møguleikar í hesum dystinum, men gestirnir setti tíðliga á dystin og megnaðu okkara ongantíð at finna røttu dystaruppskriftina.

Føroyar byrjaði dystin hampuliga væl og komu til góðar málmøguleikar, har ov nógvir tíverri vóru brendir. Málverjin hjá Luksemborg hevði fleiri framúr bjargingar, meðan okkara høvdu verri við at fáa fatur. Tað var ikki í verjuni, at tað var galið í fyrra hálvleiki, tá Luksemborg, bert fekk 11 mál. Hinvegin fingu okkara bert 10 í hinum endanum.

Dysturin var javnur nakað inn í seinna hálvleik, men vóru Luksemborg allatíðina frammafyri við einum ella tveimum málum. Um miðjan seinna hálvleik skrædnaði tó, og leiðslan øktist upp í 5 mál. Tað var hesa løtuna, at dysturin var taptur og megnaðu okkara ongantíð at svara aftur.

Á føroyska liðnum var mest eyðsýndi leikarin Hákun West á Teigum á høgra vongi, sum skjeyt 9 mál.

Í annaðkvøld kl. 19.30 møta Føroyar Italia, sum spældi ein rimmar dyst móti Lettlandi í dag, har teir hølvaðu teir av heili 36-23.

Málskjúttar:
Hákun West av Teigum 9
Sjúrður Olsen 5
Tróndur Mikkelsen 3
Vilhelm Poulsen 2 (1)
Helgi Hildarson Hoydal 1
Peter Krogh 1
Áki Egilsnes 1
Rói Berg Hansen 1
Teir Horn Rasmussen 1
Rókur Akralíð 1

Bjargingar:
Nicholas Satchwell 6/23
Pauli Jacobsen 4/18

Dystargongdin:
5 min: 3-2
10 min: 4-4
15 min: 7-6
20 min: 7-8
25 min: 8-9
30 min 10-11
35 min: 13-14
40 min: 15-17
45 min: 16-21
50 min: 20-25
55 min: 23-28
60 min 26-31

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni