Komandi vikuskiftið skulu kvinnurnar hjá Neistanum og H71 spæla European Cup dystir. Bæði feløgini spæla dystirnar á útivølli.
Neistin møtir Cascada HC Garliava úr Litava. Dystirnir verða leiktir í Garliava fríggjadagin og leygardagin, báðar dagarnar kl. 16.00, føroyska tíð.
H71 møta Handball Erice úr Sisilia í Italia. Dystirnir verða leiktir í Erice fríggjadagin og sunnudagin, báðar daganar kl. 17.00, føroyska tíð.
Hóast góð avrik, so eru mansliðini hjá H71 og VÍF úti úr European Cup. VÍF stóð seg serliga væl í seinna heimadystinum móti Handball Westwien, har teir vunnu 34-30 í seinna dystinum í Vestmanna.
Í komandi viku savnast kvinnulandsliðið aftur. Talan er um næstseinastu samlingina, áðrenn farið verður til EM-endaspælið í Basel.
At vera málverji í hondbólti er serstakur og týdningamikil leiklutur á hondbóltvøllinum. Fyra at kasta ljós á leiklutin og stimbra ungu føroysku hondbóltsmálverjunum, skipaði HSF í dag fyri málverjadegi í Klaksvík.
Ein loysn frá Sendistovuni
