Nú byrjar U17 EHF Championship

Komandi 9 dagarnar skulu føroysku U17-kvinnurnar kappast í EHF Championship kapping í Baku í Aserbadjan. Fyrsti dystur hjá Føroyum er í morgin, leygardagin, móti Grikkalandi.

Meðan 16 tey fremstu liðini í Europa kappast í EM-endaspælinum, kappast restin av londunum í tveimum sonevndum championship kappingum, har onnur verður leikt í Aserbadjan, og hin í Turkalandi. Vinnarin av báðum kappingunum, vinnur sær pláss í HM-endaspælinum summarið 2024.

10 lið eru við í kappingini í Baku. Liðini eru styrkismett og býtt í tveir bólkar. Tvey tey ovastu liðini koma í hálvfinalurnar, meðan restin skal spæla um plaseringar. Føroyar eru styrkismettar ovast í sínum bólki, sum telur, umframt Føroyar, Spania, Grikkaland, Ísrael og Luksemborg.

Leiksskráin hjá Føroyum sær soleiðis út:
Leygardagin 5. august kl. 8.15 Føroyar – Grikkaland
Sunnudagin 6. august kl. 12.45 Ísrael – Føroyar
Mikudagin 9. august kl. 10.30 Luksemborg – Føroyar
Hósdagin 10. august kl. 8.15 Føroyar – Spania

Allir dystir kunnu stroymast á ehftv.com. Tað er gratis, men ein skal upprætta sær ein brúkara, sí her: Watch free live Handball Games – EHF TV

Lesið annars alt um kappingina her, úrslit, støður, hagtøl o.a.:
W17 EHF Championships 2023 (eurohandball.com)

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.