Nýggir A-landsliðsvenjarar

Sonni Larsen og Jeppe Borch skulu standa á odda fyri A-landsliðnum hjá monnum. Teir báðir skrivaðu í gjár undir avtalu fram til 30. juni 2019. Sonni Larsen verður høvuðsvenjari og Jeppe Borch hjálparvenjari.

– Tað er mær ein heiður at skula venja A-landsliðið hjá Føroyum. Føroyskur hondbóltur er í menning, og eg vil fegin vera við at menna føroyskan hondbólt enn meira, sigur nýggi høvuðsvenjarin.

Sonni Larsen, ið er dani, er venjari hjá besta liðnum hjá H71 á øðrum ári. Hann vann greipuna við H71 farna kappingarár. Sonni var eisini venjari hjá U21-landsliðnum, sum í summar skrivaði søgu til HM-endaspælið í Algeria.

Jeppe Borch stendur nú á odda fyri besta mansliðnum hjá Neistanum. Farna kappingarár var hann venjari hjá KÍF.

– Vit eru sera fegin um, at tað hevur eydnast okkum at fáa avtalu í lag við Sonni og Jeppe, sum uttan iva eru millum dugnaligastu venjarar, sum vit hava í Føroyum í dag, sigur Gunn Ellefsen, forkvinna í HSF.

Manslanslandsliðið skal til HM-undankapping í januar.  Føroyar eru í bólki við Italia, Rumenia og Ukraina.

Landsliðsvenjararnir hava valt út ein bruttohóp. Allir fáa boð um úttøku í vikuni. Fyrsta venjingin er 26. til 29. oktober.

Atgongumerkjasøla til manslandsdystin

22. februar 2024

Í morgin, fríggjadagin 23. februar kl. 12.00, koma atgongumerkini til HM play-off dystin Føroyar – Norðurmakedonia til sølu. Atgongumerkini koma til sølu á atgongumerki.fo og kosta 150 kr.

Føroyar í potti 2

20. februar 2024

Føroyska manslandsliðið er styrkismett sum nummar 20 í Europa í løtuni. EHF hevur kunngjørt styrkismetingina undan lutakastinum til næstu EM-undankappingina. Føroyar verða sostatt í potti 2 av 4 til lutakastið.

Steypavinnarar 2024

20. februar 2024

Stóra Faxe Kondi steypafinaluvikuskiftið er farið afturum og var tiltakið aftur í ár sera væl vitja. 18 finalur vóru leiktar og hartil var eisini frálíka finalutiltakið saman við Eydnudeildini.