Nú verður møguleiki at ogna sær snøggu nýggju landsliðsblusuna hjá føroysku hondbóltslandsliðunum.
Í dag, hósdagin, 30. juni, fæst nýggja sergjørda landsliðsblusan hjá Føroyum, frá Select til keyps í Sport 24 í SMS.
Stórur eftirspurningur hevur verið eftir føroysku landsliðsblusuni, m.a. frá teimum mongu áskoðarunum, sum í summar fara at hyggja eftir EM-endaspølunum hjá U20- og U18-monnum í ávikavist Portugal og Montenegro, og HM-endaspælinum hjá U18-kvinnum í Norðurmakedonia.
Sport24 selur blusurnar í øllum støddum frá 6 ár til XXL, tó er fyribils avmarkað nøgd í hvørjari stødd.
Prísurin fyri barnablusurnar (6, 8, 10, 12 og 14 ár) er 399,-, meðan prísurin fyri vaksnu støddirnar (S, M, L, XL, og XXL) er 499,-.
Móti eyka gjaldi er eisini møguleiki at bíleggja navn og tal at prenta á blusuna.
