Nýggjur landsliðsvenjari hjá U04-kvinnum

Simon Olsen er settur sum høvuðsvenjari hjá U04 kvinnunum. Hann avloysir Mark Lausen-Marcher, ítróttarstjóra hjá HSF, sum var fyribilsvenjari.

Simon Olsen, sum er 27 ára gamal, er í dag venjari hjá mansliðnum hjá H71. Simon hevur, hóast sín unga aldur, longu góðar nógvar royndir sum venjari, og hevur m.a staðið á odda fyri Aalborg DH í bestu donsku kvinnudeildini eitt skifti.

U04 kvinnur skuldu havt spælt European Open seinasta summar, men tað var avlýst vegna korona. Ístaðin spældu kvinnurnar tveir venjingardystir móti Ísland í Føroyum í august mánaði. Fyrra dystin vunnu Føroyar 24 – 23, meðan Ísland vann seinna dystin 23 – 21.

Í august í ár skulu U04 kvinnurnar til Tbilisi í Georgia at spæla W17 Championship. Føroyar eru í bólki B við Serbia, Italia, Ísrael og Estlandi. Í bólki A eru Holland, Ukraina, Georgia, Grikkaland, Bosnia-Herzogovina og Luksemburg. Eftir bólkaspælið spæla liðini krossdystir. Fremsta liðið í bólk A møtir næstfremsta liðnum í bólki B og øvugt í hálvfinalunum. Vinnarin spælir seg til HM endaspælið fyri U18 í 2022 og EM endaspælið fyri U19 í 2023, eins og næsti aldursbólkur U06 kvinnur eisini skulu spæla EM endaspæl fyri U17 í 2023.

Magni Thomsen heldur fram sum hjálparvenjari, Eyðun Jensen sum liðleiðari og Guðrið Geirsdóttir Eystberg er fysioterapeut. Í næstum verður málverjavenjari eisini settur. Kropsligi venjarin hjá HSF, Heri Ziska, er eisini í toyminum kring liðið.

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni