A-landsliðið hjá monnum venur saman hesa vikuna í Føroyum. Eisini hevur U18-landsliðið tveir venjingardystir í Høllini á Hálsi.
A-landsliðið fyrireikar seg til komandi HM-undankappingina, sum verður í Føroyum í døgunum 14. – 16. januar. Mótsstøðuliðini vera Lettland, Italia og Luksemborg. Hetta er seinasta samlingin áðrenn liðið møtist aftur í januar og verður nógv lagt fyri. Vikan endar við einum innanhýsis venjingardysti leygardagin 6. nov kl. 15.30 í Høllini á Hálsi, har tvey lið samansett av landsliðsleikarum fara at dystast.
Venjararnir Peter Bredsdorff-Larsen og Lars Møller hava tikið ein breiðan hóp út til venjingarnar:
Málverjar:
Nicholas Satchwell, KA Akureyri
Tórður Skorheim Guttesen, Kyndil
Pauli Jacobsen, H71
Eli Gærdum, StÍF
Vengur:
Sjúrður Olsen, TM Tønder
Leivur Mortensen, Odder
Rói Berg Hansen, HØJ
Janus Dam Djurhuus, H71
Hákun West av Teigum, Skanderborg Århus
Pætur Thomsen, H71
Allan Norðberg, KA Akureyri
Nicklas Selvig, KÍF
Bogi Hansen, H71
Bakkar:
Filip Jojic, VÍF
Peter Krogh, H71
Brandur Halgirson, Ajax København
Tróndur Mikkelsen, Viking Stavanger
Dánjal Ragnarsson, ÍBV
Pauli Mittún, H71
Julian Kragesteen, ATSV Habenhausen
Jónas Gunnarson Djurhuus, Viking Stavanger
Elias Ellefsen á Skipagøtu, IK Sävehof
Vilhelm Poulsen, Fram
Áki Egilsnes, EHV Aue
Kjartan Johansen, Önnereds
Strikur:
Helgi Hildarson Hoydal, Viking Stavanger
Rókur Akralíð, HC Odense
Pætur Mikkjalsson, KA Akureyri
Teis Horn Rasmussen, TM Tønder
Rógvi Dal Christiansen, Fram
U18-landsliðið venur eisini saman hesa vikuna, har teir fyrireika seg til EM-endaspælið, sum verður í Montenegro í august 2022. Liðið skal spæla tveir venjingardystir móti U18-landsliðnum hjá Noreg ávikavist hós- og leygardagin í Høllini á Hálsi.
