Starvsnevndin heldur fram

Leygardagin var aðalfundurin hjá Hondbóltssambandinum hildin í Skúlanum á Giljanesi. Sitandi starvsnevnd heldur fram.

Aðalfundurin var hildin á Giljanesi í samstarvi við SÍF/Søljuna, sum er heimahoyrandi har. Eftir aðalfundin bjóðaði Vága kommuna smyrjibreyð og vóru eisini ungdómslandsdystur millum U16-landsliðini hjá Føroyum og Íslandi spældir har seinni um dagin.

Fyri vali á aðalfundinum stóðu Gunn Ellefsen, forkvinna, Durita Thomsen, nevndarlimur og varalimirnir Birgir Kass og Høgni Vilhelmsen. Tey vóru øll afturvald.

Sitandi starvsnevnd telur sostatt hesar limir:
Gunn Ellefsen, forkvinna
Jógvan Emil Nielsen, næstformaður
Durita Thomsen, nevndarlimur
Heini Ellingsgaard, nevndarlimur
Kristian Østergaard, nevndarlimur
Birgir Kass, varalimur
Høgni Vilhelmsen, varalimur

U18-manslandsliðið er úttikið

17. juni 2024

Venjararnir, Mark Lausen-Marcher og Kristinn Guðmundsson, hava úttikið hesar leikararnar til fyrireikingarkapping í Lübek í Týsklandi í juni og U18 EM-endaspælið í Montenegro í august.

Hesir skulu til U20 EM-endaspælið

14. juni 2024

Venjararnir, Hjalti Mohr Jacobsen og Djóni Gaard Joensen, hava úttikið hesar 16 leikararnar til U20 EM-endaspælið í Slovenia.

Høgni og Andrias nú elitudómarar

12. juni 2024

Brøðurnir Høgni og Andrias Fríðuson Gaard verða komandi kappingarár elitudómarar í Danmark. Hetta merkir, at teir koma at verða partur bólkinum av fremstu dómarum í Danmark og skulu í fyrstu atløgu døma í 1. deild.