Stuttligt at vera til landsdyst

Tað halda gentur 12 hjá STÍF, sum møttu fjølmentar upp í Høllini á Hálsi í gjárkvøldið at stuðla kvinnulandsliðnum. 

– Hetta er aðru ferð, at vit gera ein tílíkan túr. Vit vóru eisini til landsdystin, tá kvinnurnar spældu móti Svøríki, greiðir venjarin, Magni Thomsen frá.

Bussur koyrdi genturnar til Havnar og fyrst var farið at bovla og eta, áðrenn leiðin gekk í høllina.

– Vit gjørdu ein hugnadag burturúr. Landsdysturin var eitt gott høvi at vera saman sosialt og at uppliva hondbólt í annaðleiðis karmum enn vanligt.

Magni Thomsen heldur, at tað er týdningarmikið at ungdómurin møtir upp til landsdystir.

– Tá tey yngru síggja landsliðini spæla, gevur tað teimum vónandi blóð upp á tonna at halda fram við hondbóltinum og eitt mál um at sjálvi at umboða Føroyar á landsliðnum einaferð.

Eisini gentur 12 hjá VÍF vóru til landsdystin og venjarin hjá teimum, Fredrik Wollan, er samdur við Magna Thomsen.

– Tað er ógvuliga týdningarmikið, at feløgini møta upp við sínum ungdómsliðnum til landsdystir. Ein fer fyri at stuðla, men eisini fyri at børnini kunnu síggja sínar fyrimyndir spæla, har karmarnir við nógvum áskoðarum, tónleiki og sjónvarping er í hásæti. Hetta smittar heilt sikkurt og eggjar børnunum til at vilja meira við hondbóltinum, sigur Fredrik Wollan.


STÍF gentur 12


VÍF gentur 12

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.