Tepurt tap fyri Slovakia

Manslandsliðið stríddist so sera væl í dag í dystinum móti Slovakia, men tíverri endaði dysturin við 26-25 tapið, eftir 14-13 til slovakar í hálvleikinum.

Føroyska liðið byrjaði dystin heldur illa og koma afturum 7-2, áðrenn okkara svaraðu aftur eftir eitt time-out. Føroyska liðið strammaði í í verjupartinum og spældi seg spakuliga inn í dystin og eftir 20 minuttir var støðan 9-9. Føroyar var á odda fyrstu ferð í dystinum, tá Pætur Thomsen í sínum fyrsta landsdysti skoraði til 12-11 í 25. minutti.

Føroyska liðið byrjaði eisini seinna hálvleik væl og miðskeiðis í seinna hálvleiki skoraði Leivur Mortensen eisini sítt fyrsta landsliðsmál og legði Føroyar á odda 18-17. Føroyska liðið var frammanfyri, men seinastu 10 minuttirnar vóru fleiri marginalar støður, sum ikki fallu til okkara lut. Helgi Hoydal sá reytt tá hann í einari takling rakti ein slovaka í høvdi. Slovakia koma aftur fram um, men tá ið Nicklas Selvig javnaði til 23-23 livdi dysturin aftur.

Slovakar vunnu tó tað næstu løtuna og vóru frammanfyri við tveimum seinastu løtuna. Nicholas Satchwell hevði tó tvær bjargingar seinastu løtuna, har fyrst Kjartan Johansen minkaði um munin til eitt mál og síðani og síðani hevði ein langa sending seinastu sekundini, sum tó ikki rakti okkara mann og ein slovaki kom ímillum og dysturin var taptur.

Føroyar spæla móti Luksemborg í morgin kl. 16.30, føroyska tíð. FM1 sigur frá dystinum, Kringvarpið stroymir dystin og Portal.fo hevur livescore og tekstfrásøgn.

Støðan í bólkinum sæst her:
http://eurohandball.com/wch/men/2021/round/2/Qualification+Europe

Málskjúttar
Kjartan Johansen 9 (3)
Peter Krogh 6
Helgi Hildarson Hoydal 3
Jónas Gunanrson Djurhuus 2
Niklas Selvig 2
Rói Berg Hansen 2
Pætur Thomsen 1
Leivur Mortensen 1

Dystargongdin:
5.min: 1-3
10 min: 2-6
15 min: 5-8
20 min: 8-9
25 min: 11-11
35.min: 15-15
40.min: 16-17
45 min: 18-18
50 min: 19-19
55 min: 23-25

Montenegro, Spania, FØROYAR og Paraguei

22. mai 2025

Tað var greitt undan lutakastinum, at Trier í Týsklandi verður heimstaðurin hjá føroyska kvinnulandsliðnum til innleiðandi bólkaspælið í HM-endaspælinum í november/desember. Vertirnir høvdu ynskt at staðseta Føroyar í bólk D, hetta við fjepparum og atgongumerkjasølu fyri eyga. Við lutakastinum í S´Hertogenbosch í dag, gjørdist greitt, at mótstøðuliðini verða Montenegro, Spania og Paraguei.

HM-lutakast hósdagin kl. 17.00

21. mai 2025

Í morgin, hósdagin 22. mai kl. 17.00, verður HM-lutakastið hjá kvinnum. IHF hevur kunngjørt styrkismetingina, og eru Føroyar í triðju røð. Lutakastið kann stroymast her.

6 ungdómslandsdystir móti Íslandi

21. mai 2025

Føroyar hava seinastu árini havt gott samstarv við íslendska hondbóltssambandi um ungdómslandsdystir. Soleiðis er eisini í ár og er talan um gentusíðuna. Fyrst fer U15-landsliðið til Íslands vikuskiftið 31. mai – 1. juni, meðan U17- og U19-kvinnulandsliðini hjá Íslandi koma á vitjan í Føroyum hálvan juni.

Ein loysn frá Sendistovuni