U17-kvinnur: Framúr javnleikur móti Serbia

Føroysku U17-kvinnurnar hava fingið eina góðu byrjan uppá EHF Championship kappingina. Liðið leikti ein flottan 26-26 javnleik móti Serbia í dag. 

Serbia er stór hondbóltstjóð, og eru tær eisini ein av favorittunum til EHF Championship kappingina í Georgia. Hini liðini í kappingini eru Niðurlond, Ukraina, Georgia, Luksemborg, Italia og Estland.

Føroyska liðið byrjaði dystin væl, góð ferð var í álopsspælinum og komu okkara til góðar málmøguleikar í flestu álopunum. Liðið vísti breidd og fingu mál av øllum plássum. Serbiska liðið var gott og leikti eisini við høgari leikferð. Tær vóru kropssterkar og var tað serliga nr. 4 Tamara Mandic, á miðjuni, sum okkara høvdu trupult við at steðga. Liðini fylgdust tað mesta av fyrra hálvleiki og vóru ongantíð meira enn tvey mál á muni, Serbia hevði tó munin og fóru liðini til hálvleiks við støðuni 14-12 til Serbia.

Føroyska liðið legði fyri sum eitt óløgi í seinna hálvleiki og hevði innan 5 minuttir lagt seg á odda 16-15. Føroyski málverjin, Silja Arngrímsdóttir Müller, kom væl í gongd og var stórspælandi í fleiri løtum í seinna hálvleiki. Føroyar vóru á odda fram til 10 minuttir fyri leiklok, tá Serbia hálaði seg upp á javnt aftur. Liðini skiftust um at vera frammanfyri við einum máli seinastu 10 minuttirnar, men skulu serbisku kvinnurnar verða heldur fegnari fyri javnleikin, tí okkara vóru nærri at fáa bæði stigini seinastu løtuna.

Í álopinum hjá Føroyum var Maria Pálsdóttir Nólsoy sera eyðsýnd og stýrdi hon spælinum væl og hevði fleiri góð langskot, sum góvu mál. Hon var eisini kosin til dagsins leikara í dystinum.

Úrslit og støður í kappingini síggjast her:
W17 EHF Championship 2021 (eurohandball.com)

Dystargongdin:
Føroyar – Serbia
5 min. 2-3
10 min. 5-4
15 min. 6-7
20 min. 9-9
25 min. 11-12
30 min. 12-14
35 min. 16-15
40 min. 18-17
45 min. 21-19
50 min. 23-21
55 min. 24-24
60 min. 26-26

Málskjúttar hjá Føroyum:
Maria Pálsdóttir Nólsoy 9
Karin Egholm 4
Lukka Arge 4
Anna Sigrunardóttir Mikkelsen 3
Marita Fríða Thomsen 3
Inga Maria Roysdóttir 1
Anna Elisabet Halsdóttir Weyhe 1
Lea Mohr 1

Fysioterapi skeið

12. apríl 2024

Mikudagin og hósdagin 15. og 16. mai verður aftur skeið í fysioterapi við Anju Greve. Anja er viðurkendur og eftirspurdur fysioterapeut, sum eisini er knýtt at danska manslandsliðnum í hondbólti.

FØROYAR AFTUR TIL EM

7. apríl 2024

Tað eydnaðist! Kvinnulandsliðið vann seg til EM-endaspælið! Hóast ein misjavnan dyst móti Íslandi í dag, har Føroyar taptu 24-20, so kann tað helst sigast at tað var góða avrikið móti Svøríki mikudagin, sum tryggjaði Føroyum eina góða málúrtøku og harvið EM-plássið, sum ein av bestu trýarunum. Ásvellir høllin í Hafnafirði var nærum fullsett til dystin […]

Skeið í styrkivenjing

5. apríl 2024

Mánadagin 15. apríl verður skeið í styrkivenjing. Talan er um skeið, sum HSF skipar fyri í samstarvi við Styrkisamband Føroya.