U19-kvinnur: Stórsigur á Kosovo

Føroysku U19-kvinnurnar vunnu í dag ein tryggan 34-15 á Kosovo í Euro Championship kappingini í Skopje, hálvleiksstøðan var 17-2.

Kosovo tapti heili 53-14 móti Hollandi í gjár og var sostatt helst talan um veikasta mótstøðuliðið í bólkinum, sum eisini telur Norðurmakedonia, Bosnia Hersegovina og Holland.

Føroyska liðið lat heldur ongan iva vera um, hvat betra liðið var og setti seg á dystin beinanvegin, eftir 8 minuttir var støðan 6-1 til Føroyar. Føroyska verjan stóð væl saman við málverjanum Rakul Wardum og øktu okkara til hálvleiksstøðuna 17-2

Dysturin var sostatt ongantíð spennandi og fingu venjararnir roynt ymiskar uppstillingar og fingu allar leikararnar í spæl, undan harðaru mótstøðuni, sum er í væntu komandi dagarnar. Føroyar møta Norðurmakedonia í morgin, mánakvøldið kl. 19.30. Dysturin kann stroymast á ehftv.com. Norðurmakedonia vann 39-28 móti Bosnia Hersegovina í gjár.

Besti føroyski leikari í dystinum var kosin Jana Mittún.

Úrslit og støður síggjast her:
https://www.eurohandball.com/en/competitions/national-team-competitions/women/w19-ehf-championship-2021/lQGMLmk6t1rshhepJd5MLg/mkd-women-s-19-ehf-championship/

Málskjúttar hjá Føroyum:
Jana Mittún 6
Natasja Hammer 5
Lea Símunardóttir Lisberg 4
Hervør Niclasen 3
Brynhild Pálsdóttir 3
Frida Holm Jacobsen 3
Lea Mortensen Mørk 2
Elsa Egholm 2
Rannvá Olsen 2
Lív Bentsdóttir Zachariasen 2
Sára Jacobsen 2

European Cup vikuskiftið í Hoyvík

20. november 2026

Eftir at H71- og Neistakvinnur ruku farna vikuskiftið, heldur føroyska luttøkan í European Cup fram komandi vikuskiftið við monnunum hjá H71, sum fáa vitjan av pólsku Repud KPR Ostrovia.

Stóra Bretland á vitjan

18. november 2026

U19-landsliðið hjá kvinnum er úttikið til tveir venjingardystir móti Stóra Bretlandi við Tjarnir næsta vikuskiftið. Landsliðsvenjarnir hava úttikið hesar leikarar.

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

Ein loysn frá Sendistovuni