Í vetur hevur HSF skipað fyri leikaramenning eina ferð um mánaðin fyri børnum, sum eru fødd í 2002 til 2005. Samanlagt hava 500 børn luttikið.
Um vikuskiftið var síðsta leikaramenning í hesum kappingarárinum, fyri árgangirnar 2004 og 2005. Hondbóltsfelagið SÍF/Søljan hýsti leikaramenningini í teirra snotuligu hølum á Giljanesi. 115 børn vóru við, býtt í bólkar eftir aldri og kyni.
Vanligt hevur verið at havt leikaramenning í tríggjar tímar ein fyrrapart, men hesaferð varð valt at gera meira burturúr við venjingum yvir tveir dagar og yvirnátting. Seks venjarar skipaðu dagarnar við hondbóltsvenjing, styrkivenjing, fyrilestri og hugna.
HSF takkar SÍF/Søljuni, sum gjørdi góðan mat til øll børnini og takkar fittu og dugnaligu børnunum, ið hava verið við í leikaramenningini í ár.
Her eru myndir frá vikuskiftinum, sum SÍF/Søljan tók.
