25-21 tap fyri Ukraina

Føroyska manslandsliðið var leingi við í dystinum móti Ukraina, sum endaði 25-21 til Ukraina, eftir 15-13 í hálvleikinum.

Føroysku menninir spældu upp móti Ukrainum í 50 minuttir, men høvdu ov stór útfall í løtum. Serliga var tað í tíðarskeiðnum millum 40-50 minuttir, at tað stóð heilt stilt í álopspartinum.

Føroyska liðið byrjaði heldur trilvandi og brendu nøkur skot, umframt brotskast, og komu afturum 7-3. Okkara spældu seg tó spakulig inn í dystin, verjan stóð væl, Nicholas Satchwell fann nakrar bjargingar fram, Peter Krogh skeyt nøkur góð mál og fóru okkara til hálvleiks við støðuni 15-13 aftanfyri.

Byrjanin av seinna hálvleiki var góð. Verjan stóð væl og vunnu okkara seg upp á 15-15 eftir 37 minuttir, og 17-17 eftir 39 minuttir. Nú kom tó púra stígur í álopið hjá Føroyum og kontraspælið riggaði als ikki. Verjan stóð stinn, men skoraðu okkara ikki í 10 minuttir, og tað var her at dysturin var taptur. Okkara hálaðu tó nakað mál inn aftur og var støðan 22-20 eftir 54 minuttir, men vóru fleiri marginalar ikki við okkara hesa seinastu løtuna og Ukrainar vunnu 25-21.

Talan var um eitt góðkent avrik av okkara. Til samanberingar taptu okkara 30-19 í Kiev í 2019. Hákun West av Teigum fekk sínar fyrstu minuttir á vøllinum fyri A-landsliðið og gjørdi tað sera gott. Hann spældi allan seinna hálvleik og skorði trý mál uppá tríggjar royndir. Somuleiðis fekk Filip Jojic sínar fyrstu minuttir í hvítu troyggjuni og gjørdi tvey mál.

Føroyska liðið spælir aftur fríggjadagin í Brno í Kekkia kl. 19.15 og aftur sunnudagin í Høllini á Hálsi kl. 18.00 móti Ukraina

Málskjúttar hjá Føroyum í dag:
Jónas Gunnarsson Djurhuus 4, Kjartan Johansen 3, Hákun West av Teigum 3, Helgi Hildarson Hoydal 3, Peter Krogh 3, Filip Jojic 2, Vilhelm Poulsen 1, Rói Berg Hansen 1, Allan Norðberg 1

A-landsliðið hjá monnum úttikið

19. apríl 2024

Hesir 16 skulu møta Norðurmakedonia og spæla um eitt pláss í HM-endaspælinum.

Danmark, Sveis, Kroatia og FØROYAR

18. apríl 2024

Basel í Sveis verður heimstaðurin hjá føroyingum til EM-endaspælið hjá kvinnum í november/desember. Føroyar komu í bólk D saman við grannum okkara úr Danmark, vertunum Sveis og Kroatia.

EM lutakast hósdagin

17. apríl 2024

Í morgin, hósdagin kl. 17.00, føroyska tíð, verður lutakastið til EM-endaspælið hjá kvinnum. Tá verður eisini greitt, hvørt Føroyar skulu spæla í Basel, Innsbruck ella Debrecen.