Í kvøld møtir føroyska A-landsliðið hjá monnum Kekkia á útivølli í Brno. Dysturin kann stroymast á heimasíðuni kvf.fo og FM1 hevur eisini beinleiðis studiofrásøgn frá dystinum.
Kekkia er liðið, sum er hægst styrkismett í bólkinum, men tapti liðið mikudagin við einum málið fyri Russlandi.
Sunnudagin spæla Føroyar og Ukraina í Høllini á Hálsi kl. 18.00. Hetta er fyrsti altjóða skrásetti heimadysturin hjá føroyska A-landsliðnum hjá monnum í fýra ár, sum verður leiktur í Føroyum. Føroyar hevur til hesa EM-undankappingina fingið undantak, at hýsa manslandsdystum í Føroyum nú koronastøðan hevur gjørt so avbjóðandi at hýsa dystum.
