Atgongumerkjasøla til HM-undankapping

Fyrstu 400 atgongumerkini til HM-undankappingardystirnar hjá A-landsliðnum við monnum í januar koma nú til sølu.

 14-16. januar 2022 spæla Føroyar undankappingardystir til HM á heimavølli móti Lettlandi, Italia og Luksemburg.

Mánadagin 29. november kl. 14.00 fara fyrstu 400 atgongumerkini í forsølu. Í fyrstu atløgu, grundað á tey galdandi koronutilmælini, selja vit tvær ferðir 200 atgongumerki, so vit ikki hava fleiri enn 200 fólk í hvørjum øki í høllini.

Keyp atgongumerki her:
https://hsf.atgongumerki.fo/webshop/event/1407196/order/info

 Tveir dystir eru hvønn dag, har Føroyar spæla tann seinna. Keypast kunnu atgongumerki til hvønn dag sær ella til alt vikuskiftið og allar dystirnar.  Tey, sum keypa atgongumerki til alt vikuskiftið áðrenn jól, fáa avsláttur.

 Kostnaðurin er hesin:

 – Vaksin alt vikuskiftið kr. 250,-. Verður keypt áðrenn jól tó kr. 200,-

– Vaksin fyri ein dag kr. 100,-.

– Børn í skúlaaldri alt vikuskiftið kr. 120,-. Verður keypt áðrenn jól tó kr. 100,-

– Børn í skúlaaldri fyri ein dag kr. 50,-

 Børn undir skúlaaldri sleppa ókeypis inn saman við vaksnum.

 Dystirnir, sum vera í høllini á Hálsi í Havn, eru hesir

 Fríggjadagin 14. januar
17.00 Lettland – Italia
19.30 Luksemburg – Føroyar

 Leygardagin 15. januar
17.00 Lettland – Luksemburg
19.30 Italia – Føroyar

 Sunnudagin 16. januar
15.30 Italia – Luksemburg
18.00 Føroyar – Lettland

U17-landsliðið úttikið

12. november 2026

U17-landsliðið, sum skal kappast á heimavølli Við Tjarnir vikuskiftið 27. – 29. november, er nú úttikið. Talan er um EM-undankappingarbólk, har Ísland, Ísrael, Turkaland og Føroyar kappingast um tvey pláss í EM-endaspælinum í summar.

European Cup heldur fram

10. november 2026

Tað eydnaðist tíverri ikki VÍF at koppa sterku slovakisku HK Slovan Dusla Sala á útivølli í vikuskiftinum. Slovakiska liðið vann 65-50 tilsamans, og eru VÍF harvið úti úr kappingini. European Cup hondbólturin heldur tó fram við neistakvinnum og H71 komandi vikuskiftið.

EM-liðið hjá kvinnum úttikið

9. november 2026

Landsliðsvenjararnir, Claus Leth Mogensen og Simon Olsen, hava úttikið hesar 16 leikararnar, sum skulu umboða Føroyar í EM-endaspælinum í desember, sum verður leikt í Póllandi, Rumenia, Kekkia, Slovakia og Turkalandi.

Ein loysn frá Sendistovuni