Komandi leygardag, 18. mai, verður hondbóltsgallaveitslan 2024. Tiltakið í ár verður í Salt á Drelnesi í Suðuroy, har VB skipar fyri. Byrjað verður kl. 18.30.
Undirtøkan fyri árligu Gallaveitsluni í hondbólti hevur øll árini verið sera góð og er eitt av hæddarpunktunum valið av ársins leikarum, venjarum og dómarum. 260 fólk hava meldað til veitsluna í ár.
Aftur í ár verður Hondbóltsambandið ein virkin viðleikari í samband við tiltakið. Meðan VB hevur skipar fyri sjálvari veitsluni, skipar HSF fyri atkvøðugreiðsluna um ársins heiðrar. Tey ið velja eru, eitt leikaraumboð/liðskipari, venjararnir hjá liðunum í SMS- og Burn deildini, fjølmiðlarnir, sum fylgja hondbóltinum og landsliðsvenjararnir hjá ávikavist kvinnum og monnum. Atkvøtt verður við 3, 2 og 1 stigi, og er atkvøðugreiðslan almenn.
HSF og VB gleða seg at bjóða vælkomin til Gallaveitsluna 2024.
