Mynd: Andrei AntalHóast góð avrik, so eru mansliðini hjá H71 og VÍF úti úr European Cup. VÍF stóð seg serliga væl í seinna heimadystinum móti Handball Westwien, har teir vunnu 34-30 í seinna dystinum í Vestmanna.
Sigurin hjá VÍF var tó ikki nóg stórur til at teir kundu fara víðari í kappingi, hetta tí VÍF taptu fyrra dystin við 7 málum, 29-22. VÍF vóru á odda við 7 málum tíðliga í seinna hálvleiki í seinna dystinum, men megnaði tó ikki at halda hesa leiðsluna til dystarlok. Handball Westwien fór sostatt víðari við samlaða úrslitnum 59-56 yvir teir tveir dystirnar.
H71 spældu báðar dystirnar á útivølli í Brixen í Italia móti SSV Brixen. Eisini her var munurin 7 mál í fyrra dystinum, 40-33 til SSV Brixen. H71 stóð seg betri í seinna dystinum, har teir leingi vóru væl við í dystinum. Brixen var tó stinnari í seinna hálvleiki og vunnu 34-30, tilsamans 74-63.
